Lam 3 | TVK | STEP |

Lamentations 3

19 E inou, melele xa nanem usil holesok xil xa di pangei nou xosali,
e midep nada hon nggoni moletin tei xa voninen xati tovuol,
ma mikon e meulien navan nggoni oei te hometin.
20 Nenemien xil ak di vehakut e meulien navan,
e tinok di muis ven.

21 E neta sav xa mak, melele xa nanem xat sexien na Iahova,
di misak ni nou nanem usil naha xa ti imei del sien.
22 Nakila xa eheien nan di vehakut, e misakras vavus.
E esaeen nan mun, hoxalite teni tovuol.
23 Xalu lube neta hu e makoe xil ngasen.
Hitxatien xil vus nan, xi di pol sen ni.
24 Neta sav xa holesok navan xil tovuol,
neketen navan nggeih e Iahova xa eilep mak mu mili.
Ma di naling nenesien navan e xi kestang.

25 Iahova di pol ni bos mi ngan xil xa di laling nenesien nae en,
mi ngan xil xa di langgusili.
26 Mak, ma bos mak mu tengan riti merau,
e ritatil melele xa Iahova mei iteh meulien e xir.